Hay...

December 26 ngayon. Nakalimutan kong anniversary ng parents ko ngayon kaya lahat ng plano ko eh kanselado dahil mag-cecelebrate kami nina mami, kuya at tita sa makati. Pupunta muna kami sa Intercon kasi kukunin ni mami 'yung padala sa kanya ni daddy tapos pupunta kami sa Market!Market! sa Fort para mag-uzi. Pero mamaya pa naman 'yun kaya heto nag-bblog ako. Hay... Bukas kasi baka hindi ako makakapag-blog dahil baka umuwi muna ako kina Lola sa Batangas. Doon muna ako para alang istorbo. Hehe. Ala kasing signal ang cellfone ko doon, alang cable, alang telepono at walang mall. Meron lang kama, radyo, electric fan, lutuan at santambak na libro.


Hay. Kahapon eh pasko, nanood kami nina mami ng "So Happy Together." Okay 'yung pelikula kaso sabi nga ng kapatid ko, para raw hindi ito pelikula, "series of scenes" lang daw ito. Wala kasing relation ang bawat segment sa bawat isa eh. Tapos ang weird pa kasi nagpakasal si Mark Herras saka si Jennylyn Mercado tapos nung tumanda na lahat ng tao, sila mukha paring teenager! Si jennylyn naka-pigtails tapos may anak! Ang weird! Pero may mga ilang scenes na nakakatawa, hindi naman ako uber relate kasi hindi naman ako bakla! Okay ang concept, hindi lang maganda ang kinalabasan.


O so iyon muna. Kakain lang ako, at magbibihis na. Bumili pala ako ng bagong shoes!! Doll shoes daw ang tawag dun, flat at walang heels at ma-cute ang style. Kukunan ko ng picture pag may time na ako.


Yun muna! Babush! It's so nice to be happee!